اسلام آباد۔25دسمبر (اے پی پی):وفاقی وزیر قانون و انصاف بیرسٹر محمد فروغ نسیم آکھیے جو قائد اعظم محمد علی جناح دے اصولوں تے عمل کرتے اساں عالمی سطح تے عظیم قوم بݨ تے ابھرسوں ۔جمعہ کوں بابائےقائداعظم محمد علی جناح دے 144ویں یوم پیدائش دے موقع تے اپݨے پیغام اچ انہاں آکھیے جو”اڄ قائداعظم محمد علی جناح دا144واں یوم پیدائش اے۔1876ءاچ اڄ دے ݙینھ ارض مقدس تے ہک ایجھا لیڈر ڄمیا جیں نہ صرف تاریخ دا رخ موڑیا بلکہ جنوبی ایشیاءدے جغرافیہ کوں وی بدال تے رکھ ݙتا ،اللہ تعالیٰ اساکوں پاکستان جیہا ملک عطا کرݙتے ، ضرورت ایں امر دی اے جو حضرت محمد صلی اللہ علی وآلہ وسلم دی تعلیمات تے عمل کیتا ونڄے ۔انہاں آکھیے جو قائداعظم آکھیا ہئی جو ”اساں حضرت محمد صلی اللہ علی وآلہ وسلم دی تعلیمات تے عمل کریندوں ، اساں اخوت اسلامی دے رکن اوں ۔
