کوالالمپور: 20 جون(اے پی پی)انٹرنیشنل ہاکی فیڈریشن (ایف آئی ایچ) دے نیشنز ہاکی کپ دے پہلے سیمی فائنل اچ پاکستان فرانس کوں ہرا تے فائنل کیتے کوالیفائی کر ڳھدا۔ ملائیشیا دے شہر کوالالمپور اچ پاکستان اَتے فرانس وچال پہلا سیمی فائنل مقررہ ویلھا مکݨ تے 3-3 گول نال برابر تھی ڳیا ٻھل پنالٹی شو آؤٹ اچ پاکستان فرانس کوں 2 دے مقابلے اچ 3 گول کر تے شکست ݙے ݙتی۔ پہلے کوارٹر اچ ݙوہیں ٹیماں ہک ݙوجھے دے گول پوسٹ تے بھرپو?? حملے کیتے ٻھل کوئی ٹیم گول سکور کرݨ اچ کامیاب نہ تھی سڳی۔ ݙوج??ے کوارٹر دے 10ویں منٹ اچ فرانس گول سکور کر تے پاکستان تے ہک گول وتھی ڳھن ڳھدی۔ تریج??ے کوارٹر دے 5 ویں منٹ اچ فرانسیسی پلئیر گول کر تے برتری 0-2 کر ݙتی، 3 منٹ بعد رانا وحید اشرف گول کر تے میچ اچ پاکستان کیتے پہلا گول سکور کیتا۔ تریڄ??ے کوارٹر دے 12 ویں منٹ اچ پنالٹی تے سفیان مقیم اَتے 13 ویں منٹ اچ رانا وحید میچ اچ اپݨا ݙوڄھا گول سکور کر تے ٹیم کوں 2-3 دی برتری ݙیوا ݙتی۔ چوتھے کوارٹر اچ فرانس دی ٹیم پاکستانی دی برتری کوں برابر کرݨ اچ کامیاب تھی ڳئی۔ نیشنز کپ دا فائنل 21 جون کوں کھیݙیا ویسی، ٹورنامنٹ دی فاتح ٹیم پرو ہاکی لیگ کھیݙم کتیے کوالیفائی کریسی۔
