اسلام آباد۔ 22 مئی(اے پی پی)صدر مملکت آصف علی زرداری، وزیراعظم شہباز شریف دے کٹھے سید عاصم منیر کوں “معرکہ حق” اچ شاندار کامیابی تے “بیٹن آف فیلڈ مارشل” نال نواز ݙتے۔ ایں سانڳے ایوان صدر اچ ہک پروقار تقریب تھئی جیںدے اچ پاکستان مسلم لیگ ن دے سربراہ محمد نواز شریف، پاکستان پیپلز پارٹی دے چیئرمین بلاول بھٹو زرداری، وفاقی وزیر اطلاعات و نشریات عطا اللہ تارڑ، وزیر دفاع خواجہ محمد آصف، وزیراعلیٰ پنجاب مریم نواز شریف، وزیراعلیٰ سندھ مراد علی شاہ، وزیراعلیٰ بلوچستان میر سرفراز احمد بگٹی، چارے صوبیاں دے گورنرز، چیئرمین جوائنٹ چیفس آف سٹاف کمیٹی جنرل ساحر شمشاد مرزا، پاک فضائیہ دے سربراہ ائیر چیف مارشل ظہیر احمد بابر سدھو، سربراہ پاک بحریہ ایڈمرل نوید اشرف، وفاقی کابینہ دے اراکین تے مختلف ملکاں دے سفارتکاراں دی وݙی تعداد شریک ہئی۔ شرکاء تقریب کوں “معرکہ حق” بارے ݙسایا ڳیا جو اے قوم کیتے ہک ماݨ دی ڳالھ اتے پاکستان دی فوجی تاریخ اچ ہک اہم سنگ میل اے۔ اے تقرری ساݙے قومی سفر دے ہک اہم موڑ تے تھئی اے۔ 6 اتے 7 مئی دی وچلی رات بھارت پاکستان دے خلاف بزدلانہ، بلااشتعال اتے غیر قانونی جارحیت کیتی۔ بھارت دے ایں بزدلانہ حملے اچ شہریاں بشمول ٻال، ٻڈھے اتے تریمتیں کوں نشانہ ٻݨاوݨ دے نال نال پاکستان دی سالمیت کوں چیلنج کیتا ڳیا جیکوں پاکستان مثالی جرات اتے عملی تربیت نال پسپا کیتا۔ حالیہ کشیدگی “معرکہ حق” قومی اتحاد اتے اداریاں دی مضبوطی دا حقیقی امتحان ہئی۔ اے قومی ہم آہنگی دا مظہر ہئی۔ “معرکہ حق” اچ کامیابی ساݙی قومی ہم آہنگی، قابل سیاسی قیادت دی رہنمائی اتے قومی مقاصد اچ یکسوئی پاروں فیصلہ کن ثابت تھئی۔ “معرکہ حق” اچ پاکستان آرمی، پاک فضائیہ اتے پاک بحریہ وچال مربوط آپریشنل کوآرڈینیشن نال فتح ملی۔ فیلڈ مارشل سید عاصم منیر دی قابل قیادت اچ پاکستان دی مسلح افواج آپریشن “بنیان مرصوص” دے ذریعے مشکلاں کوں تزویراتی برتری اچ وٹایا اتے دشمن دے مذموم عزائم کوں پرعزم اتے باوقار جواب ݙتے۔ پاکستان دی مسلح افواج کوں ڄق اچ انہاں دے ادارے دی مضبوطی، نظم و ضبط اتے میرٹ تے مبنی نظام پاروں قدر نال ݙٹھا ویندے۔ ایں پیشہ ورانہ برتری دی بنیاد ہک موٹر کیریئر منیمجنٹ سسٹم تے ہے، ہک اینجھا منظم فریم ورک جیڑھا پیشہ ورانہ تربیت، مسلسل جانچ اتے کمانڈ دی صلاحیتاں دے جائزے تے مشتمل اے۔ اے سسٹم ایں گالھ کوں یقینی بݨیدے جو قیادت عطا نئیں کیتی ویندی ٻھل حاصل کیتی ویندی اے۔ اڄ، فیلڈ مارشل سید عاصم منیر دی کمیشننگ دے تقریباً 4 ڈھاکیاں توں بعد، اپریل 1986 اچ لکھی ڳئی آفیسرز ٹریننگ سکول، منگلا اچ انہاں دی کمیشننگ رپورٹ تے غور کرݨ مناسب اے، جیڑھی فوجی اداریاں دی بصیرت دے تشخیصی نظام دی دور اندیشی اتے مضبوطی دی ہک لازوال گواہی ݙیندی اے جو صلاحیتاں کوں پروان چڑھیندے ہن۔ صدر مملکت آصف علی زرداری، وزیراعظم شہباز شریف دے کٹھے سید عاصم منیر کوں باقاعدہ بیٹن آف فیلڈ مارشل نال نوازیا۔
.jpg)
