اسلام آباد۔28دسمبر (اے پی پی):وزیراعظم عمران خان سی پیک ایم ایل ون منصوبے کوں پاک-چین دوستی دی شاندار مثال قرار ݙیندے ہوئیں آکھیے جو ایں منصوبے توں ملک اچ بین الاقوامی معیار دا جدید مواصلاتی ڈھانچہ تیار ہوسی ، ایم ایل ون منصوبہ توں ملک دا صنعتی شعبہ ترقی کریسی اتے روزگار دے مواقع پیدا تھیسن۔ اے ڳالھ انہاں سنوار کوں سی پیک دے تحت ایم ایل ون منصوبہ متعلق جائزہ اجلاس دی صدارت کریندے ہوئیں آکھی اے اجلاس اچ وفاقی وزیر ریلوے اعظم خان سواتی، ڈپٹی چیئرمین منصوبہ بندی کمیشن، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ، سیکرٹریز ریلوے، اقتصادی امور، خزانہ، منصوبہ بندی ڈویژن اتے سینئر افسران شرکت کیتی۔ اجلاس اچ وزیر اعظم کوں ایم ایل ون منصوبے تے پیشرفت متعلق بریفنگ ݙتی ڳئی ۔ وزیراعظم منصوبہ تے ہݨ تعیں دی پیشرفت تے اطمینان دا اظہار کیتے۔وزیر اعظم سی پیک ایم ایل ون منصوبے کوں پاک-چین دوستی دی شاندار مثال قرار ݙیندے ہوئیں آکھیے جو منصوبے توں پاکستان اچ بین الاقوامی معیار دا جدید کمیونیکیشن انفراسٹرکچر قائم تھیسی ، ایم ایل ون منصوبہ ملکی صنعت دی ترقی اتے روزگار دے مواقع پیدا کریسی ۔وزیرِ اعظم آکھیے جو ایں منصوبے توں پاکستانی بندرگاہواں دے زمینی رابطے مربوط تھیوݨ نال پاکستان دی برآمدات وختی عالمی منڈیاں اچ پج سڳسن جیں توں قیمتی زرمبادلہ حاصل تجھیسی ۔ وزیر اعظم آکھیے جو سی پیک منصوبیں اچ ایم ایل ون ساریں توں خطیر لاگت دامنصوبہ اے جیں توں پاک چین تعلقات اچ ہک نویں باب دا اضافہ تھیسی ۔ وفاقی وزیرِ ریلوے وزیرِ اعظم کوں پاکستان ریلوے دی طرفوں ایم ایل ون منصوبہ دے انٹیگریشن پلان دے حوالے نال ݙسایا ۔
