اسلام آباد۔15ستمبر (اے پی پی) محکمہ موسمیات دی ایں ہفتے ملک دے بالائی علاقیں اچ تیز ہوائیں، اندھاری اتے ڳاڄ کھمݨ نال وقفے وقفے نال مینہ دی پیش گوئی کیتی اے۔ محکمہ موسمیات موجب بحیرہ عرب توں درمیانی شدت دی نم ہوائیں ملک دے بالائی علاقیں اچ داخل تھیندی پئن۔ ہک مغربی ہوائیں دا سلسلہ 15 ستمبر (شام/رات) توں ملک دے بالائی علاقیں اچ داخل تھیوݨ دا امکان اے جیڑھا 19 ستمبر تئیں برقرار رہ سڳدے، ایں دے اثر تھلے خیبر پختونخوا اچ 16 توں 19 ستمبر وچال دیر، چترال، سوات، کوہستان، شانگلہ، بٹگرام، مانسہرہ، ایبٹ آباد، ہری پور، بونیر، ملاکنڈ، باجوڑ، مہمند، کوہاٹ، پشاور، چارسدہ، نوشہرہ، مردان، صوابی، خیبر، اورکزئی، کرم، ہنگو، کرک اتے وزیرستان اچ تیز ہواواں، اندھاری اتے ڳاڄ کھمݨ نال وقفے وقفے نال بارش دی توقع اے۔ کشمیر، گلگت بلتستان اچ 15 (شام/رات) توں 19 ستمبر دے دوران کشمیر (وادی نیلم، مظفر آباد، راولا کوٹ، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) اچ کتھائیں کتھائیں تیز ہواواں، اندھاری اتے ڳاڄ کھمݨ نال وقفے وقفے نال بارش دی توقع اے جڈانجو 16 اتے 18 ستمبر وچال کڄھ جہیں تے تیز، موسلادھار بارش دی وی توقع اے۔ 16 توں 19 ستمبر وچال گلگت بلتستان (دیامر، استور، غذر، سکردو، ہنزہ، گلگت، گانچھے، شگر) اچ کڄھ جہیں تے تیز ہواواں، اندھاری اتے ڳاڄ کھمݨ نال بارش دا امکان اے۔ پنجاب، اسلام آباد اچ 16 توں 19 ستمبر وچال اسلام آباد، راولپنڈی، مری، گلیات، اٹک، چکوال اتے جہلم اچ تیز ہواواں، اندھاری اتے ڳاڄ کھمݨ نال وقفے وقفے نال بارش دی توقع اے جڈانجو 18 اتے 19 ستمبر دے ݙینھ منڈی بہاؤ الدین، گجرات، گوجرانوالہ، حافظ آباد، وزیر آباد، لاہور، قصور، شیخوپورہ، سیالکوٹ، نارووال، میانوالی، خوشاب، سرگودھا، جھنگ، ٹوبہ ٹیک سنگھ اتے فیصل آباد اچ تیز ہواواں، اندھاری اتے ڳاڄ کھمݨ نال وقفے وقفے نال بارش دی توقع اے۔
