اسلام آباد۔9اپریل (اے پی پی) وفاقی وزیر انسانی حقوق ڈاکٹر شیریں مزاری آکھیا جو ہک ݙوجھے دے پیٹ پھاڑݨ آلے اڄ کٹھے تھی ڳئن، اساں خوددار قوم ہیسے، کہیں دے دباؤ اچ کائنا امسوں۔ ہفتے کوں قومی اسمبلی اچ ڳالھ مہاڑ کریندیں ہوئیں انہاں آکھیا جو قومی سلامتی کمیٹی اچ ساری لیڈر شپ کوں سݙیا ڳیا ہئی پر اے لوک نی آئے۔ حکومت اپوزیشن کوں مراسلہ ݙکھاوݨ دی پیشکش کیتی، اے مراسلے کوں نیشنل سیکیورٹی کمیٹی منیے۔ پاکستان قوم بھکاری نی آزاد اے۔ انہاں آکھیا جو پیپلز پارٹی اتے مسلم لیگ ن دے دور اچ 400 ڈرون حملے تھین، اساݙے معصول شہریاں کوں ماریا ڳیا۔ سوائے عمران خان دے کوئی لیڈر ایندے خلاف کھڑا نی تھیا۔ بھکاری قوم نی بلکہ اے آپ بیگرز ہن۔ پچھلے دور اچ کشمیر تے مسئلے تے ڳالھ نی کیتی ڳئی۔ انہاں کشمیری قیادت نال ملݨ توں وی انکار کر ݙتا ہئی۔ اجیت دوول کوں بغیر ویزہ دے پاکستان سݙیا ڳیا۔ شیریں مزاری آکھیا جو اساں خوددار قوم ہیسے۔ کہیں دے دباؤ اچ کائنا امسوں۔ پارلیمان اچ بولݨ اساݙا حق اے۔ الیکشن کمیشن دا کم اے ترائے مہینے اچ الیکشن کراوے، انہاں ست مہینے دا ویلھا کیوں منڳیا۔ پوری قوم کوں پتہ اے جو سازش تھیندی پئی اے اتے غدار کون اے۔
