اسلام آباد۔28ستمبر (اے پی پی) صدر مملکت ڈاکٹر عارف علوی آپسی تجارت اچ ودھارے دے ذریعے تعلقات کوں ٻیا ودھاوݨ تے زور ݙیندیں ہوئیں آکھیا جو افغانستان اچ استحکام نال وسطی ایشیائی ملک اتے پاکستان وچال ٹرانزٹ ٹریڈ ودھسی، افغانستان توں کاسا – 1000 ،تاپی اتے ٹی اے پی منصوبیاں تے عملدرآمد تکھے تھیسی۔ اے ڳالھیں انہاں افغانستان اچ پاکستان دے نامزد سربراہِ مشن عبید الرحمٰن نظامانی نال ڳالھ مہاڑ کریندیں ہوئیں آکھی جنہاں بدھ کوں ایوان صدر اچ انہاں نال ملاقات کیتی۔ صدرمملکت آکھیا جو پاک ۔افغان تعلقات مشترکہ تاریخ، ثقافت اتے عقیدے تے مبنی ہن، ݙو پاسہ تجارت دے ودھارے، تاجر برادری نال تیٹ ورکس دی تعمیر اتے اشیاء دی کلیئرنس ہموار ٻݨا تے تعلقات کوں ٻیا مضبوط کرݨ دی لوڑھ اے۔
