اسلام آباد۔11فروری (اے پی پی):وزیر خارجہ مخدوم شاہ محمود قریشی آکھیےء جو اساکوں سرکاری ملازمین دی اہمیت، ضرورتاں تے مسئلیں دا پورا ادراک اے۔خمیس کوں آپݨے ہک بیان اچ وزیر خارجہ آکھیے جو دھرنا اوں ویلھے ݙتا ویندے جݙاں تساݙی کوئی ڳالھ نہ سݨے ،اساکوں علم اے جو مہانگ اچ ودھارے پاروں سرکاری ملازمین وی تکلیف دا شکار ہن ،اساکوں ایں کیتے رستہ کڈھݨا اے ، اتے ایں کم کیتے اساں کجھ وزیراں دی کمیٹی بݨائی ۔ انہاں سرکاری ملازمین توں گزارش کیتی جو انہاں دا احتجاج ریکارڈ تھی چکے ، ہݨ او آپݨے نمائندے نامزد کرن تے ڳالھ مہاڑ دے ذریعے معاملات دا حل کڈھن ۔وزیر خارجہ آکھیے جو اپوزیشن دی کوشش ہوندی اے جو او ہر مسئلے کوں ہوا ݙے تے معاملات کوں ٹھیک کرݨ دی بجائے وڳاڑ پیدا کرے ،میݙی صلاح اچ سرکاری ملازمین دیاں آپݨیاں تنظیماں ہن او آپدا موقف بہتر انداز اچ پیش کرݨ دی صلاحیت رکھیندن ۔
.jpg)
