وطن عزیز توں لوڈ شیڈنگ دا خاتمہ حکومت دی پہلی ترجیح ہے ،10ہزار میگاواٹ توں ودھ بجلی دے منصوبے آندے سال جون توں پہلے پورے تھی ویسن ،نومبر 2017دے بعد ملک توں لوڈشیڈنگ دا خاتمہ کرنڑ دے قابل ہوسوں ،جوہری توانائی دا منصوبہ 2020تئیں پاکستان اٹامک انرجی کمیشن کوں ڈتے ونجنڑ آلے 8800میگاواٹ دے ہدف دے حصول دے پاسے ہک اہم قدم ہوسی
میانوالی ۔ 8 ستمبر (اے پی پی) وزیراعظم شاہد خاقان عباسی آکھیا ہ جو وطن عزیز توں لوڈ شیڈنگ دا خاتمہ حکومت دی پہلی ترجیح ہے ۔10ہزار میگاواٹ توں ودھ بجلی دے منصوبے آندے سال جون توں پہلے پورے تھی ویسن ۔نومبر 2017دے بعد ملک توں لوڈشیڈنگ دا خاتمہ کرنڑ دے قابل ہوسوں ،جوہری توانائی دا منصوبہ 2020تئیں پاکستان اٹامک انرجی کمیشن کوں ڈتے ونجنڑ آلے 8800میگاواٹ دے ہدف دے حصول دے پاسے ہک اہم قدم ہوسی۔ اساڈی حکومت چین دے نال سی پیک دے تحت بہوں وڈے وڈے منصوبے شروع کیتے ہن جیں دے ثمرات پاکستان دے عوام تئیں پجنڑ شروع تھی گے ہن ۔ملک دی شرح ترقی 5فیصد توں ودھ گی ہے جیرھا جو ایں سال 6فیصد دے لگ بھگ ہوسی ۔او جمعے کوں چشمہ پاور پلانٹ سی فور دے افتتاح دے منعقد تقریب توں خطاب کریندے پے ہن ۔تقریب اچ وفاقی وزیر داخلہ احسن اقبال، وزیر مملکت توانائی عابد شیر علی، چیئرمین پاکستان اٹامک انرجی کمیشن محمد نعیم، چین دے سفیر سن وئی ڈونگ، ڈائریکٹر جنرل ایس پی ڈی لیفٹیننٹ جنرل مظہر نوید، پاکستان اٹامک انرجی کمیشن دے ممبر پاور سید یوسف رضا، چینی کمپنیاں دے نمائندے تے سینئر حکام وی موجود ہن ۔وزیر اعظم شاہد خاقان عباسی آکھیا جو 28دسمبر 2016اچ چشمہ یونٹ تھری دے باقاعدہ آغاز دے صرف اٹھ مہینے بعد ملک دے 5ویں جوہری بجلی گھر چشمہ یونٹ فور دا افتتاح باعث افتخار ہے ۔انہاں آکھیا جو ماضی دے پاسے ڈیکھدے ہوئیں میکوں ایں گالھ دی خوشی ہے جو جڈاں چشمہ یونٹ ہک دی تعمیر دا معاہدہ تھیا ہئی تاں ایں ویلھے وی ملک اچ محمد نواز شریف دی حکومت ہئی تے ایں معاہدے ڈوہیں ملکاں وچال نیو کلیئر توانائی دے شعبے اچ تعاون دی بنیاد رکھی ۔چشمہ اچ چلنڑ آلے ترائی یونٹاں ملک اچ چنگی کاکردگی دے حامل ہن تے ایں ویلھے ملک کوں 900میگاواٹ بجلی چنگے نرخ تے ڈیندے پے ہن ۔انہاں آکھیا جو میکوں ایں گالھ دی وی خوشی ہے جو ڈو اضافی منصوبے دے ڈو تے ترائے وی تکھے ترقی دے پاسے ٹردے پن ایں وقت توں پہلے مکمل تھی گے ملک کوں روشن وی کریسوں تے ماحول کوں آلودگی گھٹ کرنڑ اچ اپنڑاں کردار ادا کریسوں ۔انہاں آکھیا جو چین دے تعاون نال چشمہ اچ تعمیر کیتے گے چشمہ نیوکلیئر پاور دی بنیاد رکھی گی۔ ملک اچ جاری بجلی دے بہوں سارے منصوبیں دے علاوہ چشمہ مظفر گڑھ دی جاہ تے مزید نیوں کلیئر نیو کلیئر پاور پلانٹ دی تعمیر دا منصوبہ وی بنڑایا گیا ہے۔وزیراعظم آکھیا جو بیاں چینی کمپنیاں کوں دعوت ڈیساں او پاکستان اچ نیو کلیئر پاور پلانٹ لاون تے ایں شعبے اچ مزید سرمایہ کاری کرن ۔انہاں آکھیا جو میکوں یقین ہے جو نہ صرف نیو کلیئر پاور پلانٹ اچ بلکہ دور جدید اچ چینی حکومت دا تعاون ڈوہیں ملکاں سانگے قابل فخر ہوسی ۔انہاں آکھیا جوحکومت سی پیک منصوبے اچ نجی شعبے کوں ودھ توں ودھ شراکت دے موقع فراہم کرنڑ چاہندی ہے ۔چین دی قیادت وعدہ کیتا ہے جو او سی پیک دے ذریعے پاکستان دی معیشت کوں مضبوط کرنڑ چاہندے ہن ۔صنعت دے شعبے اچ اساڈی مدد کرنڑ چاہندے ہن۔وزیراعظم ایں موقع تے چین توں آئے ہوئے معزز مہماناں تے شرکا دا شکریہ ادا کریندے ہوئیں او دعا کریندے ہن جوہری توانائی دے سارے منصوبے توڑ پج ویسن تے آندے سالاں اچ بجلی دی پیداوار کوں جاری رکھن ۔
.jpg)
.jpg)
.jpg)
