پشاور۔3فروری(اے پی پی)وزیراعظم ??ہبازشریف دی اڳواݨی اچ پشاور اچ تھیوݨ آلے اپیکس کمیٹی اجلاس قوم کوں یقین ݙیوائے جو پاکستانیاں دا خون وہاوݨ آلے دہشت گرداں کوں عبرت دا نش??ن ٻمیسوں، ہر قیمت تے قوم دے جان و مال دا تحفظ کیتا ویسی، خیبرپختونخوا اچ فوری ‘سی ٹی ڈی’ ہیڈ کوارٹر ٻݨسی اتے پنجاب آلی کار جدید فارنزک لیبارٹری ٻݨاوݨ سودھا سیف سٹی منصوبہ شروع کیتا ویسی۔ اجلاس دہشت گردی مکاوݨ کیتے وفاق اتے صوبیاں وچال ہکو سویں سوچ، حکمت عملی اتے پالیسی اپناوݨ سودھا دہشت گرداں دا ہتھ ونݙاوݨ آلے سارے ذرائع مکاوݨ تے اتفاق کیتے۔ اجلاس اچ دہشت گردی واقعات خاص کر پشاورپولیس لائنز خود کش حملے اتے ایندے بعد دی صورتحال دا جائزہ ڳھدا ڳیا۔ اجلاس اچ حساس اداراں دے نمائنداں سکیورٹی دی مجموعی صورتحال، دہشت گرداں دے خلاف کارروائیاں تے بریفنگ ݙتی۔ آعی جی کے پی کے معظم ??اہ انصاری خود کش حملے دی ہݨ تئیں دی تحقیات اتے اڳونہی ݙسائی۔ اجلاس اچ پشاور پولیس لائنز ??ے شہداء کیتے فاتحہ خوانی، ٹٻراں کیتے صبر اتے زخمیاں دی تیکھے صھتیابی دی دعا کیتی ڳئی۔ اجلاس عزم دوہرائے جو شہیداں دی رت نا ونڄیسی، حکومت اتے قوم شہداء دے ٹٻراں دے نال کھڑی اے، دہشت گرداں کوں نش??ن عبرت ٻݨیسوں، معصوم پاکستانیاں تے حملے کرݨ آلے ہر صورت سزا وار تھیسن۔ اجلاس بہادری ݙکھاؤݨ تے افواج پاکستان، رینجرز، ایف سی، سی ٹی ڈی، پولیس سودھا سارے قانون نافذ کرݨ آلے اداریاں کوں وی سلام پیش کیتے۔ اجلاس سارے طبقات خاص کر میڈیا کوں آکھیا جو او دہشت گردی واقعات بارے ذمہ داری دا ثبوت ݙیون، بے بنیاد قیاس آرائیاں خاص کر سوشل میڈیا تے کھنݙاوݨ دا حصہ نا ٻݨن تاں جو قومی سلامتی و یکجہتی، اتحاد دا تحفظ کریڄے۔ اجلاس دہشتگردی نال لرݨ آلے اداریاں دی نیشنل ایکشن پلان دے تحت بہتری سانڳے اپ گریڈیشن، تربیت، اسلحہ، ٹیکنالوجی اتے ٻعے ضروری سازوسامان کیتے تجویزاں دی وی منظوری ݙتی۔ اجلاس بارڈر مینجمنٹ کنٹرول اتے امیگریشن کے نظام دا جائزہ ڳھدا۔ دہشت گرداں دے خلاف ت??قی??ات، پراسیکیوشن اتے سزا ݙیواوݨ دے مراحل تے وی غور کیتے۔
